Aðalfundur Ísfélags hf. var haldinn í að Tangagötu 1 í Vestmannaeyjum og rafrænt þann 16. apríl 2026. Mætt var fyrir 88,48 % atkvæða.

Hér verður gerð grein fyrir helstu niðurstöðum fundarins:

Ársreikningur
Aðalfundur samþykkti ársreikning félagsins.

Tillaga um greiðslu arðs
Samþykkt var að arðgreiðsla á árinu 2026 vegna rekstrarársins 2025 verði 2,57 kr. á hlut eða um 2.102.000 milljónir kr. Arðurinn verður greiddur 15. maí 2026. Réttur hluthafa til arðgreiðslu miðast við hlutaskrá í lok dags 14. apríl 2026.

Tillaga um starfskjarastefnu
Tillaga að starfskjarastefnu var lögð fram óbreytt og var hún samþykkt.

Kosning stjórnar félagsins
Í stjórn félagsins voru kjörin: Guðbjörg Matthíasdóttir, Einar Sigurðsson, Steinunn H. Marteinsdóttir, Sigríður Vala Halldórsdóttir og Agnar Möller. Samsetning stjórnar uppfyllir ákvæði laga og samþykkta félagsins um kynjahlutfall.

Ákvörðun um þóknun til stjórnar félagsins
Samþykkt var að stjórnarlaun vegna ársins 2024 verði sem hér segir: Formaður verði með kr. 535.613 á mánuði en aðrir stjórnarmenn með 267.806.

Ákvörðun um þóknun til endurskoðunarnefndar

Samþykkt var að þóknanir vegna ársins 2024 verði sem hér segir: Formaður verði með kr. 278.519 á mánuði en aðrir stjórnarmenn með 139.259.

Kosning endurskoðenda

Samþykkt var að endurskoðandi félagsins fyrir næsta ár verði KPMG (Matthías Þ. Óskarsson).

Tillaga um endurskoðunarnefnd
Samþykkt var tillaga stjórnar um tilnefningu nefndarmanna í endurskoðunarnefnd. Tilnefnir voru Lárus Finnbogason sem formann nefndarinnar og Gunnar Svavarsson, sem báðir eru óháðir félaginu.

Tillaga um heimild stjórnar til kaupa á eigin bréfum
Aðalfundur samþykkti að framlengja heimild stjórn félagsins til að kaupa eigin hluti í félaginu til næstu átján mánaða.

Tillaga um hækkun hlutafjár

Aðalfundur samþykkti heimild til stjórnar til að gefa út nýtt hlutafé í félaginu að nafnverði allt að kr. 81.861.231. Samþykkt var að stjórn félagsins skuli ákveða áskriftargengi nýrra hluta og skuli vera heimilt að ráðstafa nýjum hlutum til nýrra eða núverandi hluthafa án tillits til eignarhluta þeirra í félaginu á því gengi og með þeim skilyrðum sem stjórn félagsins meti hagfelldust fyrir félagið á hverjum tíma enda sé áskriftarverð nýrra hluta eigi lægra en 10% undir skráðu meðalgengi hluta félagsins fjórum vikum áður en áskrift fer fram. Samþykkt var að forgangréttur hluthafa, skv. 2. mgr. 2. gr. samþykkta félagsins gildi ekki um hið nýja hlutafé og féllu því hluthafar frá forgangsrétti sínum að hlutafjáraukningunni. Fundurinn ákvað að nýútgefnir hlutir skuli vera í sama flokki og með sömu réttindum og aðrir hlutir í félaginu og að nýútgefnir hlutir veiti réttindi frá skráningardegi hlutafjárhækkunarinnar. Heimild stjórnar skv. ákvæði þessu gildir fram að aðalfundi félagsins á árinu 2027.

Tillaga um breytingar á samþykktum félagsins

Í samræmi við samþykkt fundarins um hækkun hlutafjár samþykkti fundurinn heimild til stjórnar félagsins að gera nauðsynlegar breytingar á samþykktum félagsins í tengslum við nýtingu heimildarinnar um hækkun hlutafjár.

Stjórn félagsins kom saman í kjölfar aðalfundar og hefur skipt með sér verkum. Var ákveðið að Einar Sigurðsson yrði stjórnarformaður og Steinunn H. Marteinsdóttir varaformaður stjórnar.