Beskrivning
| Land | Island |
|---|---|
| Lista | Mid Cap Iceland |
| Sektor | Finans |
| Industri | Bank |
Á aðalfundi Kviku banka hf. („Kvika“ eða „bankinn“) þann 21. mars 2024 var samþykkt að heimila stjórn félagsins að kaupa allt að 10% af útgefnum hlutum í félaginu, m.a. í þeim tilgangi að stjórn gæti komið á formlegri endurkaupaáætlun. Heimild stjórnar Kviku til endurkaupa var endurnýjuð á aðalfundi Kviku þann 26 Mars 2025.
Á grundvelli þeirrar samþykktar ákvað stjórn Kviku þann 27. febrúar 2025 að nýta hluta framangreindrar heimildar og koma á endurkaupaáætlun um framkvæmd kaupa á hlutum fyrir allt að 5.000.000.000 kr. að kaupvirði en aldrei fleiri hluti en 400.000.000, í þeim tilgangi að lækka útgefið hlutafé bankans. Í dag á Kvika 134.410.410 eigin hluti og hefur Kvika þegar nýtt 2.500.000.000 kr. af fyrrgreindri heimild til kaupa á 163.590.409 eigin hlutum í fyrri hluta endurkaupaáætlunarinnar sem lauk þann 12. maí 2025, sbr. fyrri tilkynningar þar um.
Arion banki hf. mun hafa umsjón með framkvæmd seinni hluta endurkaupaáætlunarinnar fyrir fjárhæð allt að kr. 2.500.000.000 og taka allar ákvarðanir er varða kaup á hlutum og tímasetningu kaupanna óháð Kviku. Framkvæmd endurkaupaáætlunarinnar verður í samræmi við lög, þ.m.t. lög um hlutafélög nr. 2/1995, reglugerð Evrópuþingsins og ráðsins (ESB) um markaðssvik (MAR) nr. 596/2014, sem og framselda reglugerð framkvæmdastjórnar ESB (EU) 2016/1052, sbr. lög um aðgerðir gegn markaðssvikum nr. 60/2021 sem tóku gildi á Íslandi 1. september 2021. Þegar ákvarðanir eru teknar, og í framkvæmd endurkaupaáætlunarinnar, skal fara eftir framangreindum ákvæðum, eins og við á, og gagnsæi tryggt í viðskiptum með eigin bréf tryggt við framkvæmd áætlunarinnar.
Framkvæmd endurkaupaáætlunarinnar er þannig að kaup að nafnvirði hvers dags verða að hámarki 6.893.138 hlutir og skal hámarksverð í kaupum vera verð síðustu óháðu viðskipta eða hæsta fyrirliggjandi óháða kauptilboð í Kauphöll Nasdaq Iceland. Arion banki hf. hefur samkvæmt samningi aðila heimild til að hefja endurkaup þann 26. maí 2025 og endurkaupaáætlunin er í gildi til aðalfundar Kviku á árinu 2026 eða þar til endurkaupum að kaupvirði 2.500.000.000 kr. er lokið eða 236.409.591 hlutir hafa verið keyptir, hvort sem gerist fyrr.
Viðskipti bankans með eigin hluti í samræmi við endurkaupaáætlunina verða tilkynnt í samræmi við lög og reglur.
Nánari upplýsingar veita fjárfestatengsl Kviku banka á netfanginu [email protected]